ИДУЕП потпиша меморандум за соработка со општина Крива Паланка

Сите јавни институции мора континуирано да ја подобруваат својата отвореност кон медиумите и граѓаните – ова беше уште еднаш потврдено на заедничката средба на претставници на Институтот за добро управување и евроатлантски перспективи (ИДУЕП) и градоначалникот на општина Крива Паланка, Борјанчо Мицевски. За таа цел, на средбата беше потпишан Меморандум за соработка помеѓу ИДУЕП и општина Крива Паланка. Со овие меморандуми кои ги склучуваме во континуитет, ИДУЕП ги поттикнува единиците за локална самоуправа на унапредување на соработката и заложба за постојано дејствување во сферата на доброто управување, со особен акцент…

Иницијатива на ИДУЕП за граѓанска и натпартиска платформа за дигитализација

Институтот за добро управување и евро-атлнтски перспективи (ИДУЕП) на ден 6.3.2020 година до државниот врв и политичките партии испрати допис со цел создавање на граѓанска и натпартиска платформа за дигитализација. Дописот го објавуваме интегрално во продолжение: Дигитализацијата е процес кој веќе го одбележува 21 век! Процесот на дигитализација одамна е избор, како и обврска за секое општество која сака да напредува во општествено – политичките, економските и другите процеси. Токму воведувањето на ефикасна дигитализација во секоја сфера од живеењето ги унапредува можностите на граѓаните, бизнис секторот, медиумската слобода и независност,…

Јавните функционери со намалена активност на социјалните медиуми во 2019 година

87 од вкупно 120 пратеници користеле социјални медиуми во 2019 година. Владиниот кабинет имал 24 од вкупно 26 министри онлајн, додека бројот на активни градоначалници на најмалку еден социјален медиум годинава изнесува 74 од вкупно 81, покажа Анализатa на Институтот за добро управување и евро-атлантски перспективи (ИДУЕП). За потребите на Институтот анализата ја изработи Бојан Кордалов, специјалист за односи со јавност и нови медиуми и координатор на Програмата за транспарентност, медиуми и дигитализација на ИДУЕП, а активно беа вклучени и Теа Бошкова, Велимир Лав Илиќ, Ема Павловска и Александра Богдановска…

Потпишан Меморандум за соработка со општина Струмица

Струмица е една од првите општини кои уште на самиот почеток ја препозна потребата и започна со спроведување на двонасочна комуникација и дигитализација, користејќи ја експертизата на ИДУЕП во овие сфери уште пред повеќе од 8 години. Продлачувајќи ја соработката, ИДУЕП потпиша Меморандум за соработка со општина Струмица и градоначалникот Коста Јаневски, а со цел дополнително промовирање на начелата на добри практики во сферата на доброто управување и евро–атлантски перспективи, со акцент на поттикнување на заложбите за транспарентност, дигитализација и двонасочна комуникација. Меморандумот не предвидува никакви финансиски обврски на општината.…

ИДУЕП потпиша меморандум за соработка со општина Могила

ИДУЕП дава поддршка за сите општини во процесот на двонасочна комуникација со граѓаните, како и во сферата на дигитализација. За таа цел, беше потпишан Меморандум за соработка со  градоначалничката на општина Могила, Јасмина Гулевска. Со потпишаниот Меморандум се предвидува унапредување на соработката и се истакнува заложбата за општинско дејствување во сферата на доброто управување, со особен акцент на транспарентноста, отчетноста и дигитализацијата. Меморандумот не предвидува никакви финансиски обврски на општината кон Институтот за добро управување и евро-атлантски перспективи. Ваков тип на меморандуми за соработка ИДУЕП веќе склучи со општините Карпош,…

Потпишан Меморандум за соработка помеѓу ИДУЕП и општина Крушево

Отвореноста и транспарентноста на градоначалниците во голема мера се пренесува на работата на општинските администрации и квалитетот на живот на сите граѓани. Исто така, социјалните медиуми и другите дигитални платформи во денешно време се голема поддршка за привлекување туристи од целиот свет и промоција на природните убавини и изградените туристички атракции на локално ниво. ИДУЕП продолжува да дава несебична поддршка за општините во процесот на двонасочна комуникација со граѓаните и процесите на дигитализација на нивните услуги. За таа цел, денес потпишавме Меморандум за соработка со општина Крушево и градоначалникот Томе…

ИДУЕП потпиша Меморандум за соработка со општина Валандово

Со масовната употреба на интернетот и дигитализацијата, општините не се делат на големи и мали или урбани и рурални, туку првенствено на „паметни“ и отворени наспроти затворени и нетранспарентни. Од овие причини, а препознавајќи ги новите комуникациски можности и трендови, градоначалникот на Општина Валандово, Перо Костадинов и претседателот на Институтот за добро управување и евро-атлантски перспективи, Бојан Кордалов потпишаа Меморандум за соработка кој има за цел да ја зајакне компонентата за добро управување, како и транспарентно и дигитално работење на општина Валандово. Согласно Меморандумот за соработка, Општината се обврзува континуирано…

Потпишан Меморандум за соработка помеѓу ИДУЕП и општина Карпош – Транспарентноста и дигитализацијата во фокусот

Поддршка за општините во процесот на двонасочна комуникација со граѓаните и процесот на дигитализација во интерес на поголемо остварување на правата од страна на граѓаните. Со потпишаниот Меморандум помеѓу ИДУЕП и општина Карпош и нејзиниот градоначалник Стефан Богоев се предвидува унапредување на соработката и заложба за постојано дејствување во сферата на доброто управување, со особен акцент на транспарентноста, отчетноста и дигитализацијата. Меморандумот не предвидува никакви финансиски обврски на општината кон Институтот за добро управување и евро-атлантски перспективи. Дополнително, како иницијатива за заеднички проект произлезе идејата за изготвување на заеднички публикации…

5 Февруари е Светски ден за побезбеден интернет – 10 препораки како да се заштитиме себе си и нашите деца

Користењето на интернетот и социјалните медиуми е секојдневна навика на речиси секој човек во Република Македонија. Според податоците на Државниот завод за статистика, во првото тримесечје од 2018 година, 79.3 % од домаќинствата имале пристап на интернет од дома. Учеството на домаќинствата според типот на населеното место со фиксен широкопојасен интернет во вкупниот број домаќинства изнесувал 70.4 % во 2018 година. Во истиот период, од вкупното население на возраст од 15 до 74 години, интернет користеле 79.2%, а 68.7 % го користеле секој ден или речиси секој ден. Мобилниот телефон…

„Вистинскиот маж“ освои над 28.000 Фејсбук поддржувачи

За само две недели од формирањето на фејсбук групата за поддршка на кампањата „Вистинскиот маж никогаш НЕ удира жена“ таа брои над 28.000 поддржувачи – покажа второто интернет истражување на тема „Демократија преку новите медиуми“, кое во периодот од 10 – 14 Октомври 2009 година го спроведе Институтот за добро управување и евроатлантски перспективи (ИДУЕП). Некои податоци: Групата е јавна и отворена. Во неа може да се зачлени и да остави свој коментар или мислење секој кој има личен фејсбук профил. Формирана е на 1ви Ноември 2009 година и за…