Институтот за добро управување и евроатлантски перспективи (ИДУЕП) со свое активно учество во консултативниот процес за организацијата на јубилејното 5. издание на Преспа форумот за дијалог (ПФД2023). Заедно со претставници и претставнички од дел од домашниот граѓански сектор и други тинк тенк организации, учествуваше на Панел дискусијата организирана од страна на Министерството за надворешни работи (МНР) со која официјално се најави одржувањето на Форумот на 15 и 16 јуни 2023 година во Струга.
Според планот, се предвидува на 14 јуни да биде одржан и засебен Младински ПФД2023, а со цел младинските претставници и претставнички во следните два дена да ги споделат заклучоците од нивните дискусии на сесиите и панелите .
Министерот за надворешни работи, Бујар Османи презентираше дека целта е инклузивен консултативен процес и дека ПФД 2023 ќе настојува да го промовира конструктивниот дијалог, добрососедството и соработката во насока на изнаоѓање дипломатски решенија на тековните и идните предизвици на регионален и меѓународен план а меѓу темите ќе се најдат и борбата против корупцијата, хибридните закани, миграциите, странските малигни влијанија, меѓународните рестриктивни мерки како и евроинтеграцијата на Западен Балкан.
На дискусијата беа разменети идеи и мислења во контекст на содржинскиот аспект на новото издание со квалитетен придонес од страна на граѓанското општество со кој ќе се збогатат подготовките за одржување на уште еден успешен ПФД.
