На ден 8 февруари 2022 година, вторник, со почеток во 11 часот ќе се одржи онлајн промоција на публикацијата – Прирачник „Дигитална трансформација кон е-општини – Како практично да се премости јазот помеѓу очекувањата на граѓаните и достапните јавни услуги?“.
Настанот е во организација на Институтот за добро управување и евро-атлантски перспективи (ИДУЕП) и Фондацијата „Фридрих Науман“, а во соработка со Министерството за локална самоуправа.
Овој настан цели кон поттикнување на поширока јавна дебата, како и споделување на успешни примери на дигитална трансформација на општинско ниво, но и вакви конкретни пракси пошироко во светот. Тој е прв од серијата на јавни настани преку кои организаторите ќе се обидат да охрабрат спроведување на онлајн платформи, апликации и други алатки во работата на ЕЛС со цел воведување на брзи, неселективни и широко распространети дигитални можности за граѓаните и правните лица.
АГЕНДА
Дигитална трансформација кон е-општини
Како практично да се премости јазот помеѓу очекувањата на граѓаните и достапните јавни услуги?
Вторник, 8.2.2022 година, 11 – 15:15 часот
11:00 – 11:20 Отворање на настанот
Горан Милевски, Министер за локална самоуправа на Република Северна Македонија
Божидар Божанов – Министер за е-Влада и дигитализација на Република Бугарија (видео обраќање)
Мартин Коте – регионален директор за Источна и Југоисточна Европа, Фондација „Фридрих Науман“ (видео обраќање)
11:20 – 11:30 Промоција на публикацијата – Прирачник „Дигитална трансформација кон е-општини“
Бојан Кордалов, комуниколог и коавтор на Прирачникот
11:30 – 13:00 Панел дебата на тема „Градење на соработка и партнерства со цел успешна дигитална трансформација“
Душица Перишиќ, Извршна директорка на ЗЕЛС
Моника Зајкова, пратеничка во Собранието на Република Северна Македонија
Лазо Петрушевски, ИТ секторот на град Скопје
Модератор и воведничар: Тоше Зафиров, коавтор на Прирачникот
13:00 – 13:30 Кафе пауза
13:30 – 15:00 Панел дебата на тема „Следни чекори и предизвици за одржлива дигитализација на локално ниво“
Перо Костадинов, градоначалник на о. Валандово и потпретседател на ЗЕЛС
Милан Танчески, извршен директор на „БЛИНК 42-21“
Мила Јосифовска Даниловска, програмска координаторка, Фондација Метаморфизис
Модератор и воведничар: Бојан Кордалов, комуниколог и коавтор на Прирачникот
15:00 – 15:15 Финална дебата и заклучоци
Ивајло Цонев, Проектен координатор, Фондација „Фридрих Науман“